ბიზნესკურსი: როგორ და რატომ უნდა შექმნა ეფექტური ფოტო კონტენტი

ალბათ დაჰკვირვებიხარ — Facebook-ის ან Instagram-ის „სქროლვისას“ როგორ სწრაფად იქცევენ შენს ყურადღებას მაღალი ხარისხის, პროფესიონალურად გადაღებული ფოტოები. ეს გასაკვირი არაა — უთქვამთ, თვალი ჭამს და თვალი სვამსო. სწორედ ამ აზრს ემყარება თანამედროვე მარკეტინგი, რომლის მნიშვნელოვანი ნაწილი ეფექტური ფოტო კონტენტის შექმნაა.

როგორია ეფექტური ფოტო კონტენტი? მიმზიდველი, ადვილად აღქმადი, დასამახსოვრებელი. ეს უკანასკნელი განსაკუთრებით მნიშვნელოვანია, რადგან მომხმარებელმა შენი სერვისი თუ პროდუქტი უამრავ სხვა ალტერნატივას შორის უნდა გამოარჩიოს. ამ მიზნით, უკვე რამდენიმე წელია, რაც ფოტოგრაფიას ახალი მიმართულება გამოუჩნდა — პროდუქტის ფოტოგრაფია. მისი არსი ციფრული პლატფორმებისთვის სათანადო ვიზუალური მასალის შექმნაში მდგომარეობს. ამდენად, ვთანხმდებით, რომ თანამედროვე ბრენდის რეკლამირების ერთ-ერთი ყველაზე მნიშვნელოვანი ნაწილი შესაფერისი ფოტომასალის შექმნაა.

სწორედ ამიტომ, საქართველოს ბანკის საგანმანათლებლო პლატფორმა ბიზნესკურსი გთავაზობს მასტერკლასს — როგორ შევქმნათ ფოტო კონტენტი.

ფოტო კონტენტის შექმნის მასტერკლასს გამოცდილი ქართველი ფოტოხელოვანი George van de Kamp (გიორგი მარტიაშვილი) უძღვება. ამ მოკლე სასწავლო კურსის გავლის შემდეგ კი დარწმუნდები, რომ ეფექტური ფოტოების გადაღება მხოლოდ სტუდიაში, პროფესიონალური აპარატით როდი შეიძლება. საკუთარი ბრენდისთვის გამორჩეული ვიზუალური კონტენტი შენი სმარტფონითაც შეგიძლია შექმნა — მთავარია, ფოტოგადაღების საბაზისო ტექნიკა და ერთი-ორი ხრიკი იცოდე.

ამიტომ, მასტერკლასი სამ ძირითად საკითხზე კონცენტრირდება: როგორ შევარჩიოთ პროდუქტზე მორგებული სტილი, როგორ შევარჩიოთ სწორი განათება და როგორ დავამუშაოთ ფოტოები მობილურით.

კურსის გავლა ასევე დაგეხმარება, უკეთ გაიგო, რა ადგილი უკავია ფოტო კონტენტს ციფრულ მარკეტინგში და როგორ შეგიძლია რესურსების მინიმალური დანახარჯით შექმნა ისეთი ვიზუალური მასალა, რომლითაც პროდუქტს ეფექტურად გაყიდი.

მართალია, ამ საკითხს ზემოთ უკვე შევეხეთ, მაგრამ აქ ოდნავ უფრო ვრცელ ინფორმაციას და სტატისტიკას შემოგაშველებთ იმაზე, თუ რა მნიშვნელობა აქვს ფოტოს ბრენდისთვის.

უპირველეს ყოვლისა, უნდა იცოდე, რომ ფოტო შენი კომპანიის ვიზუალურ იდენტობას ქმნის და მომხმარებელზე პირველ შთაბეჭდილებას ახდენს. ამდენად, ხარისხიანი ფოტო მასალით იმაზეც მიუთითებს, რომ შენი სერვისი ან პროდუქტიც ასეთივეა.

გარდა ამისა, ფოტო სხვა მულტიმედია ტექნიკებზე უფრო ეფექტური გზაა სათქმელის გადმოსაცემად. ასე რომ, მომხმარებლის ჩართულობისთვის (ბრენდის გვერდზე ან საიტზე გადმოსასვლელად) აუცილებელია, სურათმა მეტის გაგების სურვილიც გააღვივოს.

ამ ყველაფერზე მიუთითებს სტატისტიკა — მომხმარებლების 67 პროცენტის თქმით, პროდუქტის შერჩევის და შეძენისას დიდ ყურადღებას აქცევენ ფოტომასალის ხარისხს. სწორედ ამიტომ, მარკეტერები ფოტო კონტენტს ტექსტსა და ვიდეოზე მნიშვნელოვნად მიიჩნევენ; ადამიანებს ხომ სამი დღის წინ გაგებული ინფორმაციიდან, საშუალოდ, მხოლოდ 10 პროცენტი ამახსოვრდებათ, თუმცა, თუ ამ ინფორმაციას ფოტოც ერთვის, მაჩვენებელი 65 პროცენტამდე იზრდება.

ასე რომ, ახლა ალბათ უკვე ზუსტად იცი, რატომ გჭირდება ბიზნესკურსის მასტერკლასის გავლა.

საქართველოს ბანკის შექმნილი პლატფორმა ბიზნესკურსი სხვადასხვა თემატიკის ათობით უფასო სასწავლო კურსსა და მასტერკლასს უყრის თავს. მისი საშუალებით  შეიძენ თანამედროვე ბიზნესის სამართავად საჭირო ცოდნასა და უნარებს. ბიზნესკურსი დაგეხმარება, დაგეგმო და განახორციელო ყველა ნაბიჯი ბიზნესის იდეიდან გამართულ მარკეტინგამდე. პლატფორმა მოიცავს სამეწარმეო საქმიანობის თითქმის ყველა ასპექტს: გაყიდვებს, მომსახურების მენეჯმენტს, ბუღალტერიას, რეკლამირებას, ადამიანური რესურსების მართვას და სხვა. საგულდაგულოდ შედგენილ სასწავლო კურსებს კი სხვადასხვა სფეროს წამყვანი სპეციალისტები უძღვებიან.

ბიზნესკურსის შესახებ მეტის გაგებასა და პლატფორმაზე რეგისტრაციას ვებგვერდზე შეძლებ.