რა არის შენი საკრედიტო შესაძლებლობა და რატომ უნდა შეამოწმო ის

გაუთვალისწინებელი ხარჯებისგან დაზღვეული არავინ ვართ — სხვადასხვა მიზეზის გამო, ნებისმიერ დროს შეიძლება დაგჭირდეს თანხა, რომელიც ხელთ არ გაქვს. შესაძლოა, ნაუცბადევად დაგეგმე მოგზაურობა, გაგახსენდება, რომ შენი მეგობრის დაბადების დღე ახლოვდება ან სულაც მეზობლისგან ჩამოსული წყლის გამო სასწრაფოდ გჭირდება რემონტი — მოკლედ, ცხოვრებაში ისეთი რაღაცებიც ხდება ხოლმე, რასაც წინასწარ ვერ გათვლი.

თუმცა, შეიძლება გათვლილი და დათვლილი გქონდეს შენი საკრედიტო შესაძლებლობები. მეტიც, სასურველიცაა, რომ იცოდე, რა რაოდენობის თანხის მიღება შეგიძლია ნებისმიერ დროს.

სწორედ ამიტომ, საქართველოს ბანკი თავისი ციფრული არხების მეშვეობით გთავაზობს, ზუსტად გაიგო, რა საკრედიტო შესაძლებლობები გაქვს და როგორ შეგიძლია მათი გამოყენება. ამის შეტყობა შესაძლებელია, როგორც ვებგვერდზე, ასევე მობილ და ინტერნეტბანკებში. საჭიროების შემთხვევაში, ამავე არხების დახმარებით, ნებისმიერ დროს მომენტალურად გაიაქტიურებ სასურველ საბანკო პროდუქტს — იქნება ეს სესხი, საკრედიტო ბარათი თუ განვადება.

საკრედიტო შესაძლებლობა იგივე საკრედიტო ლიმიტია; სხვადასხვა ფაქტორის  მხედველობაში მიღებით დგინდება, რომელი და რა რაოდენობის საკრედიტო პროდუქტების შემოთავაზება შეუძლია ბანკს შენთვის.

მაგრამ საკუთარი საკრედიტო შესაძლებლობების გაგება უშუალოდ სესხის აღების გარეშეც შეგიძლია. თუკი ბანკს ნებას დართავ, შენი ინფორმაცია გადაამოწმოს, მობილბანკით ან ინტერნეტბანკით სარგებლობისას დაინახავ, მაქსიმუმ რა რაოდენობის თანხის მიღება შეგიძლია ყველა საბანკო პროდუქტით სარგებლობისას, იქნება ეს

• სამომხმარებლო სესხი;
• იპოთეკური სესხი;
• უზრუნველყოფილი სესხი;
• განვადება;
• American Express;
• ნაწილ-ნაწილ.

ამ ყველაფრის ცოდნა კი დაგეხმარება, უკეთ დაგეგმო შენი სამომავლო ნაბიჯები, გათვალო მოსალოდნელი რისკებიც და გაიმარტივო ყოველდღიურობა.

გარდა მობილ და ინტერნეტბანკებისა, საკუთარი საკრედიტო შესაძლებლობის გაგებას მარტივად შეძლებ საქართველოს ბანკის ვებგვერდზეც. პირადი ნომრისა და სასურველი თანხის მითითების შემდეგ, უმოკლეს დროში შეიტყობ, დაგიმტკიცდებოდა თუ არა მოთხოვნილი ლიმიტი. აქვე დაგხვდება სესხის კალკულატორი, რომელიც გამოგითვლის, ვადისა და თანხის შესაბამისად, დაახლოებით რამდენი იქნება ყოველთვიური გადასახადი.

ხოლო მას შემდეგ, რაც ზემოთ ჩამოთვლილი რომელიმე გზით საკუთარ საკრედიტო შესაძლებლობებს გაიგებ, სასურველი პროდუქტის მიღებას სულ რამდენიმე წამიღა დასჭირდება.