საქართველოს ბანკის მხარდაჭერით 29 ივნისს 500 Georgia-ს მე-4 ნაკადის დემო დღე გაიმართა, სადაც ტექნოლოგიური სტარტაპების დამფუძნებლებმა დაინტერესებულ საზოგადოებას თავიანთი ინოვაციური პროდუქტები წარუდგინეს. მათ შორის ერთ-ერთი იყო Lala.
ეს ამბავი არის სტარტაპზე, რომელიც დიმა ფუხოვმა საკუთარ გამოცდილებაზე დაფუძნებით შექმნა.
Lala პლატფორმაა, რომელიც მუსიკის ონლაინგაკვეთილების ჩატარების საშუალებას იძლევა – რასაკვირველია, ინოვაციური მეთოდით.
ის ეხმარება სტუდენტებს, განივითარონ მუსიკალური უნარები ერთ პლატფორმაზე სხვადასხვა საჭირო კურსზე წვდომის მიღებით.
Lala აერთიანებს მაღალი ხარისხის მუსიკალურ სავარჯიშოებს, აუდიოფაილებს, ვირტუალურ პიანინოს და ა.შ რეპეტიტორებს კი აქვთ შესაძლებლობა, თავიანთ სტუდენტებს მყისიერი უკუკავშირი დაუბრუნონ და, თავის მხრივ, თავიანთი ბიზნესის გაფართოებაზეც იზრუნონ.
სტარტაპი მხოლოდ რამდენიმე თვის წინ შეიქმნა და მას უკვე ჩატარებული აქვს 600-ზე მეტი გაკვეთილი. აღსანიშნავია ისიც, რომ ამ პერიოდში Lala კვირიდან კვირამდე 16%-იან ზრდას განიცდიდა.
„2030 წლისთვის ჩვენ ველით, რომ Lala-ს ღირებულება 9 მილიარდ დოლარს მიაღწევს,“ – განაცხადა დიმამ.