რა ლამაზი დღეა, რა ნათელი მზეა… იმიტომ, რომ PLUS-ის დაბადების დღე მოახლოებულა! საქართველოს ბანკის გამორჩეული პროდუქტი, რომელიც ყოველი გადახდისას PLUS ქულების დაგროვების შესაძლებლობას გაძლევს, 5 ივლისს 6 წლის ხდება. დაბადების დღე კი საჩუქრების გარეშე არ არსებობს — ოღონდ, ამჯერად თავად იუბილარი გასცემს საჩუქრებს.
6 წლის იუბილეს აღსანიშნავად, PLUS-ის ათობით პარტნიორ ობიექტზე ნივთებს არც მეტი, არც ნაკლები 50%-იანი ფასდაკლებით შეიძენ. პრინციპი მარტივია — ვებგვერდზე ნახავ პარტნიორი ობიექტების ჩამონათვალს, შეარჩევ სასურველ პროდუქტს და გადაიხდი PLUS ქულებით.
არ იცი, რა შეიძლება იყიდო? მოდი, საქმეს გაგიმარტივებთ და მცირე ჩამონათვალს შემოგთავაზებთ.
1. თავის მოვლის საშუალებები
თავის მოვლის საშუალებებზე მნიშვნელოვანი ზაფხულში ცოტა რამ არის. დამატენიანებელი სპრეი, მზისგან დამცავი კრემი თუ ანტიპერსპირანტი — ეს ყველაფერი წლის ყველაზე ცხელ სეზონზე წყალივით საჭიროა. ამიტომ, მათი ნახევარ ფასად შეძენის შესაძლებლობა ხელიდან გასაშვები არაა.
2. მზის სათვალე
მნიშვნელობა არ აქვს, სად მიდიხარ ამ ზაფხულს: ზღვაზე, მთაში თუ სულაც ქალაქში რჩები. მცხუნვარე მზისგან დაცვა ყველგან საჭიროა. ასე რომ, მზისგან დამცავ კრემთან ერთად, სათვალეც აუცილებლად უნდა გააყოლო ხელს.
3. კონდიციონერი
ქალაქში დარჩენილებისთვის ზოგჯერ ერთადერთი ნუგეში წვიმა ან საღამოს გრილი ნიავია ხოლმე, რადგან პაპანაქებას სახლშიც ვერ დაემალები. ეს პრობლემა კი მარტივად გადაიჭრება, თუკი კონდიციონერს დაისაკუთრებ და შინ ყოფნასაც კვლავ სასიამოვნოდ აქცევ.
4. წიგნები
შვებულებაში ან არდადეგებზე თავშესაქცევად წიგნის კითხვას ალტერნატივა არ მოეძებნება. საზაფხულო საკითხავის მომარაგება კი იმის გარანტია, რომ დასვენებისას არ მოიწყენ და ამ დროს სასარგებლოდაც გამოიყენებ.
5. სმარტფონი
თუ გსურს, საზაფხულო მოგონებები და შთაბეჭდილებები ფოტო ან ვიდეო კადრებზე აღბეჭდო, ამისთვის ახალი და კარგი სმარტფონი დაგჭირდება. მით უმეტეს, თუკი დასასვენებლად მიემგზავრები, მობილურზე პრაქტიკული ნივთი, ფაქტობრივად, არ მოიძებნება.
6. ლეპტოპი
რადგან ტექნიკაზე ვსაუბრობთ, მხედველობიდან არ უნდა გამოგვრჩეს ისეთი საჭირო ნივთი, როგორიც ლეპტოპია. კომფორტული, მოსახერხებელი ნოუთბუქი დასვენების პერიოდშიც გამოგადგება და მოგვიანებითაც, როცა შემოდგომაზე სწავლას ან სამუშაოს დაუბრუნდები.
7. ფირსაკრავი
ზაფხული მუსიკის გარეშე? წარმოუდგენელია! კვლავაც უმნიშვნელოა ის ფაქტი, სად ატარებ ამ სეზონს. საყვარელი ჰანგები ერთნაირად სასიამოვნო მოსასმენია სახლშიც და აგარაკზეც, მთაშიც და ზღვის მახლობლადაც. ასე რომ, ახალი ფირსაკრავი თუ არა, გაფუჭებული ყურსასმენები მაინც უნდა გამოცვალო საზაფხულოდ.
8. სამოსი და ფეხსაცმელი
ზაფხულში გრილ სამოსს და კომფორტულ ფეხსაცმელს არაფერი სჯობს, განსაკუთრებით მაშინ, როცა აქტიურ დასვენებას ამჯობინებ და მთელი დღე გარეთ ყოფნა გიწევს. ამდენად, თუ ლაშქრობისთვის ემზადები ან ახალი თავგადასავლების საძიებლად მიემგზავრები, გზად აუცილებლად გაიარე ტანსაცმლის მაღაზიაში.
9. სამზარეულოს ჭურჭელი
პიკნიკზე წასვლაზე რას იტყოდი? ან სულაც ბარბექიუს მოწყობაზე სახლის ეზოში? ოჯახის წევრების და მეგობრების ასეთი შეკრებისთვის სამზარეულოს ჭურჭელი აუცილებლად დაგჭირდება. რაოდენობისას აუცილებლად გათვალე სათადარიგო ჭურჭელიც, რადგან მცირე უსიამოვნებებისგან დაზღვეული არასდროს ხარ…
10. ბავშვის სათამაშოები
დაბოლოს — არაფრით არ შეიძლება, ბავშვების საჭიროებები დაგვავიწყდეს. ზაფხულში, როცა არც ბაღია და არც სკოლა, იმაზე ფიქრიც გვიწევს, როგორ გავართოთ პატარები. ასე რომ, თუკი მცირეწლოვანი შვილები გყავს, საზაფხულო საყიდლების სიის წერა სწორედაც რომ სათამაშოებით უნდა დაიწყო.